Նկատվում է սուր արտաընդերային վիրուսային հեպատիտի դեպքերի նվազում

Սուր արտաընդերային վիրուսային հեպատիտով հիվանդացության նվազում է նկատվել Հայաստանում 2017-ի հունիսին և հուլիսին: Այս մասին են փաստում «Վարակիչ հիվանդությունների, սննդային և քիմիական թունավորումների համաճարակային իրավիճակ» 2017թ. հուլիս ամսվա զեկույցի տվյալները:

Սուր արտաընդերային վիրուսային հեպատիտի ցուցանիշը հուլիսին նվազել է 7 անգամ նախորդ տարվա նույն ժամանակահատվածի համեմատ: Արձանագրվել է հիվանդացության ընդամենը 1 դեպք: Վարակման հավանական պատճառն անհայտ է:

Իսկ հունիս ամսին սուր արտաընդերային վիրուսային հեպատիտի ցուցանիշը նախորդ տարվա նույն ժամանակի համեմատ նվազել է 1.3 անգամ: Արձանագրվել է հիվանդացության 4 դեպք: Համաճարակաբանական հետազոտության արդյունքում պարզ են դարձել վարակման հավանական պատճառները: Երկու դեպքում վարակը փոխանցվել է մորից երեխաներին՝ ուղղահայաց ճանապարհով, մեկ դեպքում անձը Ռուսաստանում ստացել է տարբեր միջամտություններ՝ ատամնաբուժական, սպասարկման ոլորտի: Իսկ մյուս դեպքում՝ անձը չի նշում ոչ մի միջամտություն վերջին 6 ամսվա ընթացքում: Վարակման հավանական պատճառն անհայտ է:

Խնդրում ենք գնահատել

Facebooktwittergoogle_plusredditpinterestlinkedinmail
Կիսվել
ContactUs.com