Ջոն Բոլթոնն իր հայտարարություններով Հայաստանի ռեակցիան է ստուգում. ռուս ռազմական փորձագետ Իվան Կոնովալով

Ռուս ռազմական փորձագետ Իվան Կոնովալովը, անդրադառնալով ԱՄՆ նախագահի ազգային անվտանգության հարցերով խորհրդական Ջոն Բոլթոնի Հայաստան այցին ու հնչեցրած ռեզոնանսային հայտարարություններին, ասել է, որ Ջոն Բոլթոնն իր հայտարարություններով Հայաստանի ռեակցիան է ստուգում:

Հիշեցնենք, որ Հայաստանում Թրամփի խորհրդականն ասել է, որ Հայաստանը կարող է դիտարկել ԱՄՆ-ից զենքի գնման տարբերակը, «որն ավելի լավն է ռուսականից»:

«Պարոն Բոլթոնը ստուգում է իրավիճակը…Այդկերպ Վաշինգտոնում ցանկանում են տեսնել՝ ինչպես Երևանում կարձագանքեն իրավիճակին, նման առաջարկին: Սակայն կա երկրորդ հարցը: Ամերիկյան կողմը պատրաստվում է ի՞նչ անել: Էժան գնո՞վ զենք վաճառել: Ո՛չ: Միայն ճապոնական զենքն է թանկ ամերիկյանից»,- «ՌուսԱրմԻնֆո»-ի հետ զրույցում ասել է Իվան Կոնովալովը:

Փորձագետի կարծիքով՝ Բոլթոնը չի տիրապետում ամբողջ տեղեկատվությանը և Անդրկովկասում իրավիճակին, նրան, թե ինչպիսի դաշնակիցներ են Ռուսաստանն ու Հայաստանը և որ հայկական բանակը զինված է հիմնականում խորհրդային ու ռուսական զենքերով:

Մեկնաբանելով ամերիկյան զենքի հնարավոր վաճառքն Ադրբեջանին՝ նա ասել է, որ նման հավանականությունը ցածր է, քանի որ այդկերպ ամերիկացիներն իրենց վրա կվերցնեն հակամարտության կարգավորման պատասխանատվությունը, «ինչը նրանք չեն ցանկանում, այլ ցանկանում են աշխարհում կառավարելի քաոսի իրավիճակ ստեղծել»:

Խնդրում ենք գնահատել

Facebooktwittergoogle_plusredditpinterestlinkedinmail
Կիսվել
ContactUs.com