ԱԺ-ում քառօրյայի համար քվորում չապահովվեց

ՀՀ ազգային ժողովում հերթական՝ մարտի 20-23-ի քառօրյա նիստերի գումարման համար քվորում չապահովվեց: Գրանցվեց 34 պատգամավոր, սակայն քվորում ապահովելու համար անհրաժեշտ էր 66 պատգամավորի ներկայություն:

ԱԺ նախագահ Գալուստ Սահակյանը հայտարարեց, որ քվորում չլինելու դեպքում պետք է գրանցումը շարունակել մինչև քվորում ապահովելը, բայց երեք ժամից ոչ ավելի:

Նիստին հետևելու էին եկել Երևանի Բենիամին Ժամկոչյանի անվան թիվ 119 ավագ դպրոցի ուսուցիչներ և աշակերտներ: Նրանց ներկա պատգամավորները ծափահարեցին, իսկ Գալուստ Սահակյանը խոստացավ ընդունել նրանց:

Պատգամավորները բացակայում են օրինաստեղծ աշխատանքից, քանի որ մասնակցում են ապրիլի 2-ին կայանալիք ընտրությունների քարոզարշավին:

Մարտի 17-ին տեղի էր ունեցել ՀՀ ԱԺ աշխատանքային խորհրդակցությունը, որը վարել էր Գալուստ Սահակյանը: Քննարկվել էին հինգերորդ գումարման Ազգային ժողովի տասնմեկերորդ նստաշրջանի օրակարգում լրացումներ կատարելու մասին և մարտի 20-23-ի ԱԺ քառօրյա նիստերի օրակարգի մասին որոշումների նախագծերը:

ԱԺ տասնմեկերորդ նստաշրջանի օրակարգում լրացումներ կատարելու մասին որոշման նախագծում ընդգրկվել էր 4 հարց, 5 միջազգային պայմանագիր: ԱԺ առաջիկա քառօրյա նիստերի օրակարգի որոշման նախագծում ընդգրկվել է 116 հարց, 28 միջազգային պայմանագիր:

Facebooktwitterredditpinterestlinkedinmail

Be the first to comment on "ԱԺ-ում քառօրյայի համար քվորում չապահովվեց"

Leave a comment

Your email address will not be published.


*