Երևան-Երասխ ճանապարհին տեղի ունեցած ՃՏՊ-ից հետո հոսպիտալացված 35-ամյա երիտասարդը մահացել է

Այսօր՝ փետրվարի 19-ին, գիշերը ժամը 01:40-ի սահմաններում Էրեբունի բժշկական կենտրոնում մահացել է Երևան քաղաքի Կոմիտասի պողոտայի 36բ շենքի բնակիչ, 35-ամյա Հայկ Մնացականյանը:

Այս մասին հայտնում է shamshyan.com կայքը։

Աղբյուրը հիշեցնում է, որ փետրվարի 17-ին, խոշոր ավտովթար էր տեղի ունեցել Արարատի մարզում։ Ժամը 23։00-ի սահմաններում Երևան քաղաքի Կոմիտասի պողոտայի 36բ շենքի բնակիչ, 35-ամյա Հայկ Մնացականյանը Երևան-Երասխ ավտոճանապարհի Դիմիտրով գյուղի վարչական տարածքում իր վարած Mercedes մակնիշի 45 ԼR 045 համարանիշի ավտոմեքենայով Դիմիտրով գյուղի կամրջի մոտ բախվել էր բետոնե սյանը, այնուհետև՝ գազատար խողովակին և դուրս եկել երթևեկելի գոտուց ու հայտնվել դաշտամիջյան հատվածում։

Վթարի հետևանքով վարորդ Հ. Մնացականյանն ու նրա ուղևոր՝ Երևան քաղաքի Գաջեգործների փողոցի բնակիչ, 33-ամյա Արսեն Խորունցը մարմնական վնասվածքներով տեղափոխվել էին «Էրեբունի» բժշկական կենտրոն։

Մանրամասները՝ սկզբնաղբյուր կայքում։

Facebooktwitterredditpinterestlinkedinmail

Be the first to comment on "Երևան-Երասխ ճանապարհին տեղի ունեցած ՃՏՊ-ից հետո հոսպիտալացված 35-ամյա երիտասարդը մահացել է"

Leave a comment

Your email address will not be published.


*