Հայաստանի 10 ընկերություններ մեկ տաղավարով մասնակցում են Մոսկվայում այսօր բացված «MosShoes-2016» միջազգային ցուցահանդեսին

Հայաստանի զարգացման հիմնադրամի աջակցությամբ մեր երկրի 10 ընկերություններ մեկ միասնական տաղավարով սեպտեմբերի 13-16-ը մասնակցում են Մոսկվայում այսօր բացված «MosShoes-2016» միջազգային ցուցահանդեսին, որը կոշիկի և կաշվե պարագաների արտադրության Ռուսաստանի և Արևելյան Եվրոպայի խոշորագույն ցուցահանդեսն է: Հայկական ընկերությունները մասնագիտացված միջազգային այս ցուցահանդեսին մասնակցում են արդեն երրորդ անգամ:

Հայաստանի զարգացման հիմնադրամի լրատվական ծառայությունից հայտնում են, որ «MosShoes» 69-րդ միջազգային ցուցահանդեսին հայկական ընկերությունների մասնակցությունը Հիմնադրամի կողմից ապահովվել է արտահանմանն ուղղված արդյունաբերական քաղաքականության ռազմավարությամբ նախատեսված միջոցառումների շրջանակում:

«Հայկական ընկերությունների մասնակցությունը կազմակերպել ենք հինականում արտահանման խթանման և հայկական արտադրանքի ճանաչելիության բարձրացման նպատակով: Տարեկան այս ցուցահանդես է այցելում ավելի քան 12 000 մարդ՝ հիմնականում մեծածախ գնորդներ և ոլորտի մասնագետներ, և սա մեր արտադրողների համար նաև լրացուցիչ ճանապարհ է՝ միջազգային շուկա մուտք գործելու և նոր գնորդներ ձեռք բերելու համար»,- նշել է Հայաստանի զարգացման հիմնադրամի գործադիր տնօրեն Կարէն Մկրտիչեանը:



Facebooktwitterredditpinterestlinkedinmail

Be the first to comment on "Հայաստանի 10 ընկերություններ մեկ տաղավարով մասնակցում են Մոսկվայում այսօր բացված «MosShoes-2016» միջազգային ցուցահանդեսին"

Leave a comment

Your email address will not be published.


*