Նալբանդյանին են ներկայացվել սիրիական հակամարտության բանակցային գործընթացի վերջին զարգացումները

Մյունխենի անվտանգության համաժողովին մասնակցող Հայաստանի արտաքին գործերի նախարար Էդվարդ Նալբանդյանը նախօրեին հանդիպել է Միավորված ազգերի կազմակերպության գլխավոր քարտուղարի՝ Սիրիայի հարցով հատուկ բանագնաց Ստեֆան դե Միստուրայի հետ:

ԱԳՆ մամուլի ծառայությունը հայտնում է, զրուցակիցներն անդրադարձել են սիրիական ճգնաժամի հանգուցալուծմանն ուղղված ջանքերին: ՄԱԿ գլխավոր քարտուղարի հատուկ բանագնացը հանգամանալից ներկայացրել է բանակցային գործընթացի վերջին զարգացումները և հեռանկարները:

Ստեֆան դե Միստուրան գոհունակություն է հայտնել առ այն, որ Հայաստանը, իր հնարավորության սահմաններում, շարունակական մարդասիրական օգնություն է ցուցաբերում Սիրիայի ժողովրդին և ճգնաժամից տուժած մեծ թվով փախստականներ է ընդունում:

Facebooktwitterredditpinterestlinkedinmail

Be the first to comment on "Նալբանդյանին են ներկայացվել սիրիական հակամարտության բանակցային գործընթացի վերջին զարգացումները"

Leave a comment

Your email address will not be published.


*