«Նման վտանգը հերքել, անկասկած, չի կարելի». ՌԴ փոխարտգործնախարարը չի բացառել ԼՂ հակամարտության գոտում կռվող վարձկանների ներթափանցումը ՌԴ

Ռուսաստանի արտաքին գործերի նախարարությունում չեն բացառում, որ Լեռնային Ղարաբաղի մարտերում կռվող Սիրիայից և Լիբիայից բերված վարձկանները կարող են ներթափանցել Ռուսաստան, գրում է «ՌԻԱ Նովոստի»-ն:

«Նման վտանգը հերքել, անկասկած, չի կարելի»,-գործակալության հետ զրույցում հայտարարել է ՌԴ փոխարտգործնախարար Օլեգ Սիրոմոլոտովը:

Նրա խոսքով՝ ահաբեկչության դեմ պայքարում մանրուքներ չեն լինում. կարևոր է վերլուծել ցանկացած ռիսկ, այդ թվում՝ պոտենցիալ ռիսկերը:

ՌԴ Արտաքին հետախուզության ծառայության ղեկավար Սերգեյ Նարիշկինն ավելի վաղ հայտարարել էր, որ ըստ իրենց տեղեկությունների, հակամարտության գոտի են ակտիվորեն բերվում վարձկաններ Մերձավոր Արևելքում պատերազմող միջազգային ահաբեկչական կազմակերպություններից, ընդ որում՝ խոսքն արդեն հազարավոր ծայրահեղականների մասին է:

Facebooktwitterredditpinterestlinkedinmail

Be the first to comment on "«Նման վտանգը հերքել, անկասկած, չի կարելի». ՌԴ փոխարտգործնախարարը չի բացառել ԼՂ հակամարտության գոտում կռվող վարձկանների ներթափանցումը ՌԴ"

Leave a comment

Your email address will not be published.


*