Տարոն Մարգարյանը պարգևատրել է Արշակունյաց պողոտա-Շիրակի փողոցի նորակառույց ճանապարհի շինարարներին

Երևանի քաղաքապետ Տարոն Մարգարյանն Արշակունյաց պողոտա — Շիրակի փողոց — Արտաշատի խճուղի նոր ճանապարհի կառուցման աշխատանքներն իրականացնելու և ներդրած ավանդի համար Երևանի քաղաքապետի ոսկե մեդալով է պարգևատրել «Վահագն և Սամվել» ՍՊԸ-ի հիմնադիր նախագահ Ղուկաս Գրիգորյանին:

Ինչպես տեղեկացնում է Երևանի քաղաքապետարանի մամուլի ծառայությունը, նոր ավտոճանապարհի կառուցման մեջ ներդրում ունենալու համար մի շարք շինարարներ էլ պարգևատրվել են Երևանի քաղաքապետի պատվոգրերով ու շնորհակալագրերով:

Շնորհավորելով գալիք տոների առթիվ` Երևանի քաղաքապետ Տարոն Մարգարյանը շնորհակալություն է հայտնել ծրագրի գործընկերներին ու բոլոր մասնակիցներին՝ կատարած ամենօրյա աշխատանքի ու ցուցաբերած հետևողական մոտեցման համար:

«Երևանի շրջանցիկ ճանապարհի այս հատվածի շինարարությունն իսկապես անչափ կարևոր էր մայրաքաղաքի համար: Մենք ունեցանք միջազգային չափորոշիչներին համապատասխան ռազմավարական նշանակության ճանապարհ, որն ապահովում է Երևան քաղաքի հարավային պատշաճ մուտքը: Ծրագրի շարունակությամբ մենք իրար կկապենք մայրաքաղաքի հյուսիսային և հարավային մուտքերը և 2019 թվականին կունենանք 23 կմ երկարությամբ շրջանցիկ ճանապարհ, որը կդառնա Երևանի հերթական ձեռքբերումներից մեկը: Ընդհանրապես, քաղաքների կայուն զարգացման կարևոր նախապայմաններից մեկն էլ խոշորածավալ քաղաքաշինական ծրագրերի իրականացումն է, և այսօր վստահաբար կարող ենք փաստել, որ Երևանը նույնպես կայուն զարգացող քաղաք է», — նշել է քաղաքապետը:

Facebooktwitterredditpinterestlinkedinmail

Be the first to comment on "Տարոն Մարգարյանը պարգևատրել է Արշակունյաց պողոտա-Շիրակի փողոցի նորակառույց ճանապարհի շինարարներին"

Leave a comment

Your email address will not be published.


*