Քաղաքապետարանն այսօր «Սանիթեք»-ին է փոխանցել 160 մլն դրամ և այլևս որևէ ֆինանսական պարտավորություն չունի․ Հակոբ Կարապետյան

Երեւանի քաղաքապետարանը այսօր «Սանիթեք» ընկերություններին է փոխանցել ընդհանուր առմամբ 160 միլիոն դրամ՝ 2019-ի օգոստոս ամսվա երկրորդ կեսին մատուցած ծառայությունների դիմաց։

Այս մասին ֆեյսբուքյան իր էջում գրառում է կատարել Երևանի քաղաքապետարանի մամուլի խոսնակ Հակոբ Կարապետյանը։

«Հորդորում ենք Սանիթեկ ընկերությունների ղեկավարությանը՝ այդ միջոցներն առաջնահերթ ուղղել սեփական աշխատակիցների նկատմամբ ունեցած աշխատավարձային պարտավորությունների կատարմանը։

Հայտնում ենք նաեւ, որ Երեւանի քաղաքապետարանը Սանիթեկ ընկերությունների նկատմամբ այլեւս որեւէ ֆինանսական պարտավորություն չունի՝ հաշվի առնելով ս.թ. օգոստոսի 29-ից ի վեր Երեւան քաղաքում աղբահանության եւ սանիտարական մաքրման ծառայությունների իսպառ դադարեցման փաստը այդ ընկերությունների կողմից»։

Facebooktwitterredditpinterestlinkedinmail

Be the first to comment on "Քաղաքապետարանն այսօր «Սանիթեք»-ին է փոխանցել 160 մլն դրամ և այլևս որևէ ֆինանսական պարտավորություն չունի․ Հակոբ Կարապետյան"

Leave a comment

Your email address will not be published.


*