244.9 մլն դրամ Առողջապահության նախարարությանը՝ ուռուցքաբանության գերազանցության հայկական կենտրոնի ստեղծման համար

Կառավարության այսօրվա նիստին քննարկվեց Առողջապահության նախարարությանը 244.9 մլն դրամ հատկացնելու հարցը:

Նշենք, որ կառավարությունը հավանության է արժանացրել Հանրապետությունում ուռուցքաբանության գերազանցության հայկական կենտրոնի ստեղծման ծրագիրը, և հիմնադրվել է «Ռադիոիզոտոպների արտադրության կենտրոն» ՓԲԸ-ն: Ներկայում ծրագրի I փուլը դեռ ավարտված չէ, և ընկերությունը իր հիմնական գործունեությունը դեռ չի սկսել, հետևաբար չունի ֆինանսական բավարար միջոցներ պահպանման ծախսերի և անհրաժեշտ կահույքի ձեռքբերման և կենտրոնի տարածքի բարեկարգման աշխատանքների իրականացման համար:

Իրավական ակտի ընդունման արդյունքում ակնկալվում է, որ Ընկերությունը հնարավորություն կստանա իրականացնել 2016 թվականի պահպանման ծախսերը և անհրաժեշտ կահույքի ձեռքբերումը և կենտրոնի տարածքի բարեկարգման աշխատանքները, մինչև ռադիոիզոտոպների արտադրություն գործարկումը և ծրագրի I փուլի ավարտը:

Նախագիծը ներկայացնելու հետո առողջապահության նախարար Արմեն Մուրադյանն ասաց, որ նախագահի աշխատակազմի հետ երեք օր ժամանակ են խնդրել, որ աշխատեն խմբագրական բնույթի փոփոխությունների վրա: Ֆինանսների նախարարությունը ևս առաջարկեց մասնակցել այդ քննարկումներին:

Վարչապետը հացեց, թե արդյոք սա դեռ չի՞ քննարկվել:

«Նույնիսկ երեք նիստ առաջ էինք ուզում քննարկել այս հարցը կառավարություն նիստում,  բա ինչո՞ւ համաձայնությունները չեք հավաքել»,-ասաց նա:

Արմեն Մուրադյանն ասաց, որ խնդիրը քննարկվել է համապատասխան նախարարական կոմիտեում, եղել են առաջարկներ, և երեկ ուշ երեկոյան եղել է առաջակ ևս խմբագրական որոշակի փոփոխություններ անելու՝ նախագահի աշխատակազմի և ֆինանսների նախարարության կողմից:

«Հիմա, պարոն Մուրադյան, մենք այս գումարով ավարտո՞ւմ ենք լրիվ աշխատանքը և լիովին սկսո՞ւմ ենք գործարկել կենտրոնը»,-հետաքրքրվեց վարչապետը, և առողջապահության նախարարը հաստատեց դա:

Վարչապետը երեք օր ժամանակ տրամադրեց հարցը Նախագահի աշխատակազմի և Ֆինանսների նախարարության հետ քննարկելու համար:

Facebooktwitterredditpinterestlinkedinmail

Be the first to comment on "244.9 մլն դրամ Առողջապահության նախարարությանը՝ ուռուցքաբանության գերազանցության հայկական կենտրոնի ստեղծման համար"

Leave a comment

Your email address will not be published.


*