«Ալեքս Գրիգ»-ի ներկրումները նվազել են, իսկ հարկային վճարումներն` ավելացել. ՊԵԿ–ը ներկայացնում է խոստացած պարզաբանումը

Երեկ ԶԼՄ-ները ՀՀ ԿԱ ՊԵԿ նախագահ Վարդան Հարությունյանին հարց էին ուղղել 2016 թվականի առաջին ինն ամիսներին «Ալեքս Գրիգ» ընկերության կողմից վճարված հարկերի մեծության վերաբերյալ, ինչին կոմիտեի նախագահը խոստացել էր շատ արագ արձագանքել: ՀՀ ԿԱ ՊԵԿ տեղեկատվության և հասարակայնության հետ կապերի բաժնից տեղեկացնում են, որ այդ առնչությամբ ՊԵԿ-ը տեղեկացնում է, որ ընկերության կողմից 2016 թվականի առաջին ինն ամիսների ընթացքում ապրանքների ներմուծման մասով մաքսային մարմիններին վճարվել է շուրջ 6,505,136.2 հազար դրամ:

2015 թվականի նույն ժամանակահատվածում ներմուծման գծով մաքսային մարմիններին կատարված վճարումները կազմել են 7,418,339.0 հազար դրամ: Այսինքն, նախորդ տարվա նույն ժամանակահատվածի համեմատությամբ իրականացված ներմուծման ծավալների նվազման արդյունքում մաքսային մարմիններին պակաս է վճարվել շուրջ 913 միլիոն դրամ:

Ինչ վերաբերում է հարկային մարմիններին կատարված վճարումներին, ապա անհրաժեշտ է նկատի ունենալ, որ ընթացիկ տարվա հունվար-սեպտեմբեր ամիսներին ընկերության կողմից կատարված վճարումները ոչ թե նվազել են (ինչպես բարձրաձայնվել էր լրագրողական հարցման ընթացքում), այլ ավելացել շուրջ 68.0 միլիոն դրամով: Իսկ եթե համեմատենք ոչ թե ինն ամսվա, այլ տաս ամսվա ցուցանիշները, ապա հարկային մարմիններին կատարված վճարումներն ավելացել են 173.5 միլիոն դրամով:

 

Facebooktwitterredditpinterestlinkedinmail

Be the first to comment on "«Ալեքս Գրիգ»-ի ներկրումները նվազել են, իսկ հարկային վճարումներն` ավելացել. ՊԵԿ–ը ներկայացնում է խոստացած պարզաբանումը"

Leave a comment

Your email address will not be published.


*