Բակերում դիմակ չդնելու համար կազմվել է 397 վարչական արձանագրություն, ծառայությունն ավելի կուժեղացվի. ոստիկանապետ

Երեկ հակահամաճարակային կանոնները չպահելու համար կազմվել է 1007 վարչական արձանագրություն: Այս մասին կառավարության հերթական նիստին հայտնեց ՀՀ ոստիկանապետ Վահե Ղազարյանը, երբ վարչապետ Նիկոլ Փաշինյանը հետաքրքրվեց, թե ինչպիսի տվյալներ կան վարչական իրավախախտումների վերաբերյալ:

«Երևան քաղաքում արձանագրվել է 939 վարչական արձանագրություն, բակերում դիմակ չդնելու համար` 397»,-ասաց նա:

Ոստիկանապետը հայտնեց նաև, որ ոստիկանության ծառայողները ծառայություն են իրականացրել 397 երթուղայինում: «Հիմնականում խնդիրներ ունենք բակերում, ծառայությունն ավելի կուժեղացվի բակերում»,-ասաց նա և հայտնեց, որ այլ գերատեսչություններից Ոստիկանությանը միացել է 433 աշխատակից:

Ըստ վարչապետ Նիկոլ Փաշինյանի` հիմնական խնդիր մնում են բակերը, և կոչ արեց հատկապես երեկոյան ժամերին ուշադիր լինել բակերում: Նա կրկին կոչ արեց պահպանել հակահամաճարակային կանոնները, հակառակ դեպքում` խնդիրները բոլոր ուղղություններով խորանալու են:

Facebooktwitterredditpinterestlinkedinmail

Be the first to comment on "Բակերում դիմակ չդնելու համար կազմվել է 397 վարչական արձանագրություն, ծառայությունն ավելի կուժեղացվի. ոստիկանապետ"

Leave a comment

Your email address will not be published.


*