«Էրեբունի-Երևան 2798». վաղը մայրաքաղաքի որոշ փողոցներում երթևեկությունը կսահմանափակվի

«Էրեբունի-Երևան 2798» տոնակատարության միջոցառումների պատշաճ մակարդակով կազմակերպման և անցկացման նպատակով  ս.թ. հոկտեմբերի 8-ին ժամանակավորապես կսահմանափակվի տրանսպորտային երթևեկությունը մայրաքաղաքի ներքոհիշյալ ճանապարհահատվածներում.

Ժամը 07։00 – 23:00 սահմանափակվելու է երթևեկությունը Էրեբունի փողոցի՝ Ազատամարտիկների փողոցից Էրեբունի հրապարակը ներառող հատվածում:

Ժամը 11։00 — 14։00 դադարեցվելու է երթևեկությունը Արգիշտիի փողոցում:

Ժամը 13։00 — 23։00 դադարեցվելու է երթևեկությունը Աբովյան փողոցի՝ Թումանյան փողոցից Հանրապետության հրապարակն ընկած ճանապարհահատվածում:

Այս մասին հայտնում են Երևանի քաղաքապետարանի լրատվական ծառայությունից և տեղեկացնում, որ հաշվի առնելով նշված սահամանափակումները՝ հասարակական տրանսպորտի աշխատանքը նշված ժամանակահատվածներում կկազմակերպվի շրջանցիկ ճանապարհներով։

Պատճառվող ժամանակավոր անհարմարությունների համար քաղաքապետարանից հայցում են քաղաքացիների ներողամտությունը։

Facebooktwitterredditpinterestlinkedinmail

Be the first to comment on "«Էրեբունի-Երևան 2798». վաղը մայրաքաղաքի որոշ փողոցներում երթևեկությունը կսահմանափակվի"

Leave a comment

Your email address will not be published.


*