Ուսումնական այցով ՀՀ-ում են Սերբիայի օմբուդսմենի աշխատակազմի ներկայացուցիչները

ՀՀ մարդու իրավունքների պաշտպան Արման Թաթոյանի հրավերով դեկտեմբերի 22-ից 24-ը ուսումնական այցով Հայաստանում են գտնվում Սերբիայի Հանրապետության Քաղաքացիների պաշտպանի (Օմբուդսման) աշխատակազմի ներկայացուցիչները:
Այցի հիմնական նպատակն է Մարդու իրավունքների պաշտպանի՝ որպես Հայաստանում ազգային կանխարգելման մեխանիզմի, գործունեության ուսումնասիրությունը եւ երկու ինստիտուտների միջեւ փորձի փոխանակումը: Այցի շրջանակներում մի շարք քննարկումներ են տեղի ունեցել Պաշտպան Արման Թաթոյանի, ինչպես նաեւ Պաշտպանի աշխատակազմի ներկայացուցիչների հետ:

Սերբիայի պատվիրակության ներկայացուցիչները, ընդգծելով իրենց ինստիտուտի կարողությունների ամրապնդման գործում Հայաստանի Մարդու իրավունքների պաշտպանի ինստիտուտի օրինակը, ցանկություն են հայտնել համատեղ ծրագրեր իրականացնելու, ինչին ի պատասխան Արման Թաթոյանը հաստատել է մարդու իրավունքների պաշտպանության ոլորտում համատեղ երկկողմ համագործակցության ոլորտներն ընդլայնելու իր պատրաստակամությունը:

Առավել համապարփակ ուսումնասիրության համար հյուրերը Պաշտպանի աշխատակազմի ներկայացուցիչների ուղեկցությամբ այցեր են իրականացրել ՀՀ ոստիկանության Ձերբակալված անձանց պահման վայր: Նախատեսվում է նաեւ այցելություն «Արմավիր» քրեկատարողական հիմնարկ:

ՀՀ մարդու իրավունքների պաշտպանի աշխատակազմ

Facebooktwitterredditpinterestlinkedinmail

Be the first to comment on "Ուսումնական այցով ՀՀ-ում են Սերբիայի օմբուդսմենի աշխատակազմի ներկայացուցիչները"

Leave a comment

Your email address will not be published.


*