Մխիթարյանը վերադարձել է ընդհանուր խումբ․ նա պատրաստ կլինի Վերոնայի դեմ խաղին

Հայաստանի հավաքականի ավագ Հենրիխ Մխիթարյանն ապաքինվել է վնասվածքից ու վերադարձել է «Ռոմայի» ընդհանուր խումբ։

Sky Sports-ի փոխանցմամբ՝ հայ կիսապաշտպանը առանց խնդիրների մարզվել է ընդհանուր խմբի հետ ու պատրաստ կլինի առաջիկա տուրում «Վերոնայի» դեմ կայանալիք խաղին։

Ա սերիայի ընթացիկ մրցաշրջանում Մխիթարյանը մասնակցել է 18 հանդիպման ու դարձել 8 գոլի և 8 գոլային փոխանցման հեղինակ։