Կյանքը de factoՀասարակություն

Տաթևի ճանապարհը ստեղծված իրավիճակում մեր բոլոր հարցերը չի լուծելու, բայց դրա գոյությունը, հիմնանորոգումը մի քանի խնդիր, բնականաբար, լուծելու է․ Տիգրան Աբրահամյան

16views

ԱԺ «Պատիվ ունեմ» խմբակցության անդամ Տիգրան Աբրահամյանը ֆեյսբուքյան էջում գրել է․ «Արդեն հերթական դարձած այցս է Գորիս-Կապան միջպետական ճանապարհի տարբեր հատվածներ՝ Որոտանով, Շուռնուխով ու Տաթևի երկրորդ ճանապարհով։

Զրույցներ տարբեր հատվածներում ծառայություն կրող սահմանապահների հետ, դիտարկումներ ճանապարհի՝ Ադրբեջանի վերահսկողության տակ հայտնված և շինհրապարակի վերածված Քարահունջ-Որոտան հատվածում։

Ադրբեջանցիները ենթակառուցվածքային մեծ աշխատանքներ են տանում և՛ ռազմական, և՛ քաղաքացիական բնույթի շինությունների կառուցման, տեղակայման ուղղությամբ։

Եղանակային պայմանները մեծ թվով միջոցառումներ իրականացնելու և ուսումնասիրելու հնարավորություն չեն տալիս, սակայն դրանք մյուս կողմից ի ցույց են դնում մառախուղի, ձյան կամ այլ իրավիճակներում առաջացող խնդիրները։

Տաթևի ճանապարհը մեր բոլոր հարցերը ստեղծված իրավիճակում չի լուծելու, բայց դրա գոյությունը, հիմնանորոգումը մի քանի խնդիրներ բնականաբար լուծելու է։

Ճանապարհի տարբեր հատվածներում, նախորդ ամսվա համեմատ, մեծ ծավալի  աշխատանք էր իրականացված, որ հետագայում վերակառուցումների և նոր արդիականացումների անհրաժեշտություն է ունենալու»։

Leave a Response