ԳլխավորԿյանքը de factoՀասարակություն

Գերագույն գլխավոր չարիքը ստորագրել ու իրավաբանորեն Սոթքի հանքի կեսը հանձնել է Ադրբեջանին, այդպիսով կասկածի տակ դնելով հանքի շահագործումից պետբյուջե վճարված հարկերի օրինականությունը․ Ա․ Հովհաննիսյան

10.6kviews

«Իրավական կրթություն և վերահսկողություն» ՀԿ ղեկավար Արփինե Հովհաննիսյանը ֆեյսբուքյան իր էջում անդրադարձել է Սոթքի ոսկու հանքի կեսն Ադրբեջանին հանձնելուն, նշելով, որ նման փաստաթուղթ ստորագրելով Փաշինյանը կասկածի տակ է դրել նախկինում հանքի շահագործումից բյուջե վճարված հարկերի օրինականությունը։

«Դուք էլ երեւի մտածում էիք ալիեւը էն 50 մլրդ դոլարը ինչպես է հաշվարկել ու մեզնից պահանջելու։

Ուրեմն, երբ գերագույն գլխավոր չարիքը ստորագրել է ու իրավաբանորեն Սոթքի հանքի կեսը ( այն տարածքը, որտեղ այն գտնվում է) հանձնել Ադրբեջանին, նա հանքի շահագործումից ՀՀ պետական բյուջե վճարված հարկերի ( առնվազն դրա կեսի) օրինականությունն է կասկածի տակ դրել։

Այսինքն, եթե այդ անիծյալ փաստաթղթով հանքի զբաղեցրած տարածքի կեսը Ադրբեջանինն է, որը երեկ պաշտոնապես հաստատեց ՊՆ ներկայացուցիչը, նշանակում է՝ սույն անգրագետը հանքի շահագործման ամբողջ նախկին ընթացքը դարձրել է անօրինական։

Ստացվում է՝ Սոթքի հանքի շահագործումից պետական բյուջե վճարված գումարների առնվազն կեսը կարող են համարվել ապօրինի եկամուտ։ Երբ ալիեւը հետ ուզի այս տարիներին ՀՀ բյուջե վճարած հարկերը ( դրա կեսը՝ անցնող տարածքին համահունչ) հանկարծ չզարմանաք։

Այդ հարկից ձեզ աշխատավարձ են վճարել, թոշակ, նպաստ ու այլ ծախսեր։

«Փրկիչը» տիկին վարչապետի հիմնադրամից չի վճարելու, վիվառոների ֆեյքերի համար նախատեսված գումարներից չի վճարելու, այլ ձեզնից է հետ ուզելու փողերը, որ վճարի ադրբեջանցիներին։ Կամ էլ դրա փոխարեն ալիեւին կնվիրի, օրինակ արմավիրը։

Հ.Գ. Օր առաջ պետք է այս ու այլ հարցեր լուծել։ Սա խուճապ չի, թեզ չի, մեկնաբանություն չի, սա իմ ու քո դռանը չոքած աղետն է։ Հավատաս թե չէ։ Ուզես թե չէ»։

Leave a Response