Նոր խորհրդարանի նիստը`ապրիլի 27

Նորընտիր Ազգային ժողովն աշխատանքները սկսելու է ապրիլի 27-ից, եթե ՀԱԿ-ՀԺԿ դաշինքը ընտրությունների արդյունքները չբողոքարկի Սահմանադրական դատարանում. այս մասին խորհրդարանում լրագրողների հետ զրույցում ասաց ՀՀ ԱԺ աշխատակազմի ղեկավար Հրայր Թովմասյանը: Նկատենք, որ ՀԿԸ-ն արդեն մերժել է դաշինքի դիմումը: «Նոր խորհրդարանի առաջին նիստի ժամանակ ԱԺ որոշմամբ կսահմանվի, թե ԱԺ-ն քանի մշտական հանձնաժողով է ունենալու: Սահմանադրությամբ դրանք 12-ից ավելի չեն կարող լինել: Մենք ունեցել ենք և 6 հանձնաժողով, և 12, բայց կարծում եմ, որ օպտիմալ է 8-10 հանձնաժողովը: Վստահորեն կարող եմ ասել, որ դրանց թիվը կկրճատվի», -նշեց նա: Հրայր Թովմասյանը շեշտեց, որ ամենայն հավանականությամբ կկրճատվեն Եվրաինտեգրման հարցերի մշտական հանձնաժողովն ու Մարդու իրավունքների պաշտպանության և հանրային հարցերի մշտական հանձնաժողովները: ԱԺ աշխատակազմի ղեկավարը նաև ընդգծեց, որ համաձայն Սահմանադրության`նոր խորհրդարանի առաջին նիստի օրը կառավարությունը հրաժարական կտա: «Կառավարությունը վայր կդնի իր լիազորությունները: Դրանից հետո 10 օրվա ընթացքում կնշանակվի նոր վարչապետ, 20 օրվա ընթացքում կձևավորվի կառավարություն: 20 օրվա ընթացքում կառավարությունը ԱԺ-ին կներկայացնի իր ծրագիրը, որը խորհրդարանը կքննարկի արտահերթ ռեժիմով՝ 5-օրյա ժամկետում», – հավելեց նա:

Facebooktwitterredditpinterestlinkedinmail

Be the first to comment on "Նոր խորհրդարանի նիստը`ապրիլի 27"

Leave a comment

Your email address will not be published.


*