«Բայդենը պատրաստ է Պուտինի հետ անձամբ քննարկել երկրների միջև առկա հակասությունները»․ Սպիտակ տուն
ԱՄՆ նախագահ Ջո Բայդենը հայտարարել է, որ ցանկանում է Ռուսաստանի հետ համագործակցել մի շարք ոլորտներում, սակայն միաժամանակ պատրաստ է դիմակայել Մոսկվային։ Այս մասին հայտարարել է Սպիտակ տան մամուլի քարտուղար Ջեն Փսակին, գրում է Pledge Times-ը։
Նրա խոսքով՝ Բայդենը Ռուսաստանի նախագահ Վլադիմիր Պուտինի հետ հունվարի 26-ին կայացած հեռախոսազրույցի ընթացքում հայտնել է, որ կան ոլորտներ, որտեղ Մոսկվան և Վաշինգտոնը կարող են համագործակցել:
«Այնուհանդերձ, նախագահը մտահոգված է տարբեր հարցերով՝ ընտրություններին միջամտությամբ, կիբրհարձակումներով, Աֆղանստանում ամերիկացի զինվորականներին սպանելու համար գումար տրամադրելու մասին խոսակցություններով։ Բայդենը նույնիսկ պատրաստ է Պուտինի հետ անձամբ քննարկել այդ հակասությունները»,- նշել է Փսակին:
Սպիտակ տան մամուլի քարտուղարը նաև հայտնել է, որ Բայդենն ԱՄՆ-ի եվրոպական դաշնակիցների հետ քննարկել է Ռուսաստանի նկատմամբ քաղաքականությունը, ինչպես նաև ռուս ընդդամադիր Ալեքսեյ Նավալնիի շուրջ ստեղծված իրավիճակի հետ կապված Մոսկվայի դեմ հնարավոր պատժամիջոցների հարցը։
Խոսելով Պեկինի հետ Վաշինգտոնի երկխոսության մասին՝ Փսակին նշել է «Չինաստանի հետ հարաբերությունների շուրջ մոտեցումները համաձայնեցնելու համար դաշնակիցների և գործընկերների հետ աշխատելու անհրաժեշտությունը»:
