Արժեքներ

Տնտեսության գրավչության բարձրացմանը միտված  քաղաքականություն է պետք վարել. Վահե Էնֆիաջյան

7.7kviews

Կարևորելով ցանկացած ոլորտի տեղն ու դերը երկրի զարգացման գործում, gmpress.am-ը հանդես է գալիս մի նախաձեռնությամբ, համաձայն որի՝ տարբեր ոլորտների գիտակ և ուսյալ մարդիկ կներկայացնեն երկրի զարգացման իրենց տեսլականը՝ առանց քաղաքական թեման շոշափելու, այսինքն՝  թե ինչպես կարելի է կարգի բերել մեր երկրում ստեղծված իրավիճակը՝ բացառապես սեփական գաղափարով, գիտելիքով,  ներուժով և ոլորտին բնորոշ ռեսուրսներով :

Այս անգամ զրուցում ենք  տնտեսագետ, տնտեսագիտական գիտությունների թեկնածու, ՀՀ ԱԺ փոխխոսնակ Վահե Էնֆիաջյանի հետ: Վերջինս, բնականաբար, լինելով քաղաքական գործիչ, նշեց, որ  որքան էլ մասնագիտորեն խնդրին անդրադառնանք, վերլուծենք, միևնույնն  է, պետք է  արձանագրենք, որ քաղաքական իրողությունները տնտեսության զարգացման   համար չափազանց կարևոր են. «Հենց տնտեսության գրավչության բարձրացմանը միտված  քաղաքականություն է պետք վարել, կատարել որոշակի քայլեր ու գործողություններ, որի համար մի քանի կան գործոններ. նախ, միջավայրը պետք է լինի բարենպաստ, որի համար իրավակարգավորումները պետք է լինեն մատչելի, հանրամատչելի, կայուն, անընդհատ փոփոխությունների չենթարկվեն , իսկ  տնտեսական, միջազգային նոր հոսքերի, ներդրումների համար բարենպաստ պայմաններ պետք է ստեղծվեն. այստեղ   չափազանց կարևոր է երկրի կայունությունն ու անվտանգությունը:  Եթե ասվածն առավել մանրամասնեմ, ապա պետք է փոփոխություններ իրականացնենք՝ հենց  կրթությունից  սկսած, և առհասարակ, բոլոր ոլորտներում գիտելիքներն ու համապատասխան  կադրերը պետք է  լինեն մրցունակ ոչ միայն ՀՀ տարածքում, տարածաշրջանում, այլ, առհասարակ, քաղաքակիրթ աշխարհի բոլոր  չափորոշիչներին համապատասխան: Մենք պետք է կարողանանք մեր երկրում գիտելիքահեն տնտեսության զարգացման տեսլականը որպես իրականություն ամրագրել և դա սկսել հենց  կրթությունից ու գիտությունից, որը քաղաքականության և ֆինանսավորման արդյունք է և որն իր մեջ կներառի  կարճաժամկետ և երկարաժամկետ տեսլականներ»,- ահա այսկերպ ներկայացրեց երկրի զարգացման իր տեսլականը պարոն Էնֆիաջյանը:

Հեղինակ՝ Մերի Եղիազարյան

Leave a Response