Փետրվարի 19-ը Հայաստանում հռչակված է` «Գիրք նվիրելու օր»: Այս տոնը հիմնվել է Հայաստանի գրողների միության նախագահ Լևոն Անանյանի որոշմամբ, ինչի մասին նա հայտարարել է 2008 թ.-ին:
Գրքի տոնն այսօր նշելը պատահաբար չէ ընտրված: 1869 թ.-ի այս օրը Լոռվա Դսեղ գյուղում ծնվել է տաղանդաշատ գրող, բանաստեղծ, հասարակական գործիչ Հովհաննես Թումանյանը:
Հովհաննես Թումանյանը այն եզակի գրողներից է, ում ստեղծագործություններն ուղղեկցում են մարդուն իր ողջ կյանքի ընթացքում: Մանուկների բազում սերունդներ մեծացել են նրա հեքիաթային աշխարհում: Իսկ ժողովրդական բանահյուսության վրա ստեղծված թումանյանական բալադներն ու առասպելները վերադարձնում են ընթերցողին դեպի մեր ակունքներ: Ով գիտե` դեռ որքան հանճարեղ գրական ստեղծագործություններ կթողներ սերունդներին Մեծն վարպետը, եթե 1923 թ.-ին`54 տարեկան հասականում չլքեր այս աշխարհը:
