Հանդիպել են Հայաստանի և Արցախի նախկին նախագահները, քննարկվել են ետպատերազմյան շրջանում Արցախում ստեղծված իրավիճակին և հնարավոր զարգացումներին վերաբերող հարցեր

Երեկ, մարտի 25-ին, հանդիպում է տեղի ունեցել Հայաստանի եւ Արցախի նախկին նախագահներ Լեւոն Տեր-Պետրոսյանի, Ռոբերտ Քոչարյանի, Սերժ Սարգսյանի, Արկադի Ղուկասյանի եւ Բակո Սահակյանի միջեւ: Այս մասին ֆեյսբուքյան իր էջում գրառում է կատարել ՀԱԿ խոսնակ Արման Մուսինյանը:

Նշենք, որ Հայաստանի և Արցախի նախկին բոլոր նախագահները հանդիպել էին նաև 2020 թվականի հոկտեմբերի 21-ին «Լեռնային Ղարաբաղի շուրջ ստեղծված գերլարված իրավիճակից ելք գտնելու անհրաժեշտության թելադրանքով»: