Հայաստանում հաստատվել է կորոնավիրուսով վարակվելու 195, մահվան՝ 11 նոր դեպք

????????????????????????????????????

Հայաստանում հունիսի 8-ի դրությամբ հաստատվել է կորոնավիրուսով վարակման 195 նոր դեպք, վարակվածների ընդհանուր թիվը հասել է  13325-ի: 

Ինչպես տեղեկացնում է ՀՀ ԱՆ հիվանդությունների վերահսկման և կանխարգելման ազգային կենտրոնը, մեկ օրում կորոնավիրուսի հետևանքով մահացել է 11 քաղաքացի, մահացածների թիվը 211 է:

Մեկ օրում գրանցվել է կորոնավիրուսով վարակված պացիենտների՝ այլ հիվանդությունից մահվան դեպք չի գրանցվել: Հունիսի 8-ի դրությամբ մահվան այս դեպքերի թիվը 72 է: Ընդհանուր առմամբ, մեկ օրում մահացել է 11 մարդ, իսկ մահվան ընդհանուր դեպքերի թիվը հասել է 283-ի: 

Մեկ օրում առողջացածների թիվը 85 է, ընդհանուր առողջացածներինը՝ 4099, փաստացի բուժվողներինը՝ 8943(մեկ օրում ավելացել է 99-ով): Մեկ օրում թեստավորվել է 829 մարդ, ընդհանուր առմամբ առ այսօր թեստավորվել է 70 000 քաղաքացի: 

 Հիշեցնենք, որ երեկ առողջապահության նախարարի մամուլի խոսնակ Ալինա Նիկողոսյանը տեղեկացրել էր, որ մեկ օրով չի աշխատելու թեստավորում իրականացնող ՀՀ ԱՆ հիվանդությունների վերահսկման և կանխարգելման ազգային կենտրոնի լաբորատորիան, որն իրանացնում է կորոնավիրուսային հիվանդության թեստերի հիմնական ծավալը։

Լաբորատորիայում իրականացվելու են ախտահանման պրոֆիլակտիկ աշխատանքներ, ինչով պայմանավորված այսօրվա հետազոտության արդյունքներն ավելի քիչ են:

Վերջին 24 ժամում գրանցված մահվան դեպքերի վերաբերյալ առողջապահության նախարարությունից հայտնում ենք, որ պացիենտները եղել են 64 (կին), 70 (կին), 63 (կին), 61 (տղամարդ), 88 (կին), 65 (տղամարդ), 80 (տղամարդ), 79 (կին), 52 (կին), 87 (տղամարդ), 88 (տղամարդ) տարեկան: Բոլորն ունեցել են ուղեկցող քրոնիկական հիվանդություններ:

Facebooktwitterredditpinterestlinkedinmail

Be the first to comment on "Հայաստանում հաստատվել է կորոնավիրուսով վարակվելու 195, մահվան՝ 11 նոր դեպք"

Leave a comment

Your email address will not be published.


*