Ժամանց

Քննական սթրեսը և դրա կառավարումը

643views

Քննական սթրեսը շատ տարածված երևույթ է. սթրեսի որոշակի մակարդակը կարող է դրականորեն արտահայտվել ՝ օգնելով ուսանողներին կենտրոնանալ և լավ արդյունքներ գրանցել: Այնուամենայնիվ, սթրեսի բարձր մակարդակը օգտակար չէ և կարող է բացասաբար ազդել քննության արդյունքների վրա, ինչպես նաև՝ մտավոր առողջության հետ կապված խնդիրներ առաջացնել:

Քննական շրջանում ուսանողներին աջակցելը կարևոր նախապայման է հետագա բարդություններից խուսափելու համար:

Ստորև ներկայացնում ենք մի քանի ընդհանուր նշաններ և ախտանիշներ,  որոնք հուշում են ուսանողի (աշակերտի)՝ քննական սթրեսի մեջ գտնվելը.

  • Քնի խանգարումներ
  • Դյուրագրգռություն
  • Տեսողության վատթարացում
  • Կենտրոնացման հետ կապված բարդություններ
  • Ֆիզիկական ախտանիշներ, ինչպիսիք են՝ գլխացավերը, ստամոքսի ցավերը և այլն
  • Մեկուսացում
  • Բացասական մտածողություն

Քննական սթրեսում գտնվող ուսանողներին, ըստ  մասնագետների խորհրդի, պետք է օգնել հասկանալ, որ չնայած քննություններն այդ պահին նրանք ամենակարևորն են համարում, բայց միշտ չէ, որ այդպես է լինելու:

Պետք է բացատրել նրանց , որ բավարար քունը կարող է  դրականորեն անդրադառնալ ինչպես ուսանողի, այնպես էլ նրա կողմից գրանցած արդյունքների վրա:

Ճիշտ սնունդը և մարմնի խոնավեցումը կարևոր են ֆիզիկապես առողջ մնալու համար, ինչն էլ իր հերթին տեղեկատվության կենտրոնացման և պահպանման գրավականն է:

Անհրաժեշտ է խրախուսել ուսանողների ֆիզիկական գործունեությունը, որը կարող է  դրական տրամադրություն ստեղծել:

Հարկավոր է  սկսել զարգացնել ուսումնասիրության հմտությունները և վերանայման մեթոդները վաղ շրջանում՝ օգնելով ուսանողներին գտնել այն, ինչը նրանց համար լավագույնն է:

Սիրելի՛ ուսանողներ, եղեք ուշադիր և հետևողական, պահպանե՛ք առողջությունը, որպեսզի կարողանանք հասնել ցանկալի բարձունքին:

Leave a Response