Կյանքը de factoՊաշտոնական

Ռուս խաղաղապահները խմելու ջրով ապահովել են Լեռնային Ղարաբաղի ավելի քան 1500 բնակչի. ՌԴ ՊՆ

264views

Ռուսական խաղաղապահ զորակազմի զինծառայողներւ խմելու ջրով ապահովել են Ստեփանակերտի և Լեռնային Ղարաբաղի առանձին շրջանների ավելի քան 1500 բնակչի: Այս մասին ասվում է ՌԴ ՊՆ տեղեկագրում:

Հաղորդվում է, որ վերջին երկու շաբաթում ռուսական խաղաղապահ զորակազմի հումանիտար կենտրոնի զինծառայողները ավելի քան 30 շրջայց են իրականացրել և ավելի քան 200 տոննա խմելու ջուր են տրամադրել Լեռնային Ղարաբաղի ժողովրդին: Հումանիտար առաջադրանքի կատարման համար խաղաղապահները 2 ջրատար մեքենա են օգտագործել՝ յուրաքանչյուրը 5 խորանարդ մետր ծավալով:

Մինչև ջրային կայանի վերականգնողական և խողովակների տեղադրման աշխատանքների ավարտը, խաղաղապահներն ամեն օր ապահովում են տեղի բնակիչներին խմելու ջրով:

Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։

Leave a Response