«Ռուսաստանը Հայաստանի ճանաչված սահմանները կպաշտպանի իր սահմանների պես». սենատոր Անդրեյ Կլիմով
![](https://gmpress.am/wp-content/uploads/2021/09/rian_6079898_hr_ru_d_850.thumb_-750x450.jpg)
Ռուսաստանը կպաշտպանի Հայաստանի ճանաչված սահմանները որպես իր սահմանները, քանի որ երկու երկրներն էլ Հավաքական անվտանգության պայմանագրի կազմակերպության (ՀԱՊԿ) անդամ են:
Այդ մասին ասել է սենատոր Անդրեյ Կլիմովը, գրում է Sputnik Ближнее зарубежье թելեգրամյան ալիքը:
«Դուք ՀԱՊԿ-ում եք, մենք էլ ենք ՀԱՊԿ-ում և դա նշանակում է, որ Հայաստանի ճանաչված սահմանները պաշտպանելու ենք մեր սահմանների պես: Իսկ մեր ռազմական դոկտրինն այնպես է մշակված, որ պաշտպանելով իրեն և իր դաշնակիցներին՝ երկիրը կարող է դիմակայել «մնացած բոլորին միասին վերցված», և ոչ միայն անդամներից մեկին: Եվ բոլորը, ովքեր որ պետք է, դա գիտեն»,- ասել է նա՝ պատասխանելով լրագրողի այն հարցին, թե ինչպես է Ռուսաստանը դիտարկում Ադրբեջանի և Թուրքիայի մերձեցումը: