Արժեքներ

STARMUS VI փառատոնի աշխարհահռչակ բանախոսները դասախոսություններով հանդես կգան ուսանողների և աշակերտների համար

15.1kviews

Այս տարի նոր ուսումնական տարին խոստանում է «աստղային» լինել բազմաթիվ ուսանողների և աշակերտների համար։
Սեպտեմբերի 5-10-ը Երևանի համալսարանները և ՀՀ կրթական կենտրոնները կհյուրընկալեն STARMUS VI փառատոնի մասնակից բանախոսներին, ովքեր կկիսվեն իրենց գիտելիքներով և փորձով` բացահայտելով տիեզերքի գաղտնիքները։
Փառատոնի Հանրայնացման ծրագրի շրջանակներում բանախոսները դասախոսություններով հանդես կգան
— Երևանի պետական համալսարանում,
— Հայաստանի ազգային պոլիտեխնիկական համալսարանում,
— Հայ֊ռուսական համալսարանում,
— Հայաստանի Ամերիկյան Համալսարանում,
— Հայաստանի պետական տնտեսագիտական համալսարանում,
— Հայաստանի ազգային ագրարային համալսարանում,
— Երևանի «Հայբուսակ» համալսարանում,
— ՀՀ Գիտությունների ազգային ակադեմիայում,
— Ա.Ի. Ալիխանյանի անվան ազգային գիտական լաբորատորիայում (Երևանի ֆիզիկայի ինստիտուտ),
— Հայաստանում ՄԱԿ֊ի գրասենյակում,
— «Քվանտ» վարժարանում,
— Ֆիզմաթ դպրոցում,
— Ա. Շիրակացու անվան ճեմարանում,
— ԹՈՒՄՈ ստեղծարար տեխնոլոգիաների կենտրոնում,
— Այբ դպրոցում,
— Գյումրիում՝ Ձեռնարկությունների ինկուբատոր հիմնադրամի տեխնոլոգիական կենտրոնում,
— Լոռիում՝ ՔՈԱՖ ՍՄԱՐԹ կենտրոնում,
— Վանաձորում՝ ԼՈՖԹ-ում։
Կրթական հաստատությունների ուսանողները բացառիկ հնարավորություն կունենան ունկնդրելու աշխարհահռչակ գիտնականների, տիեզերագնացների, աստղաֆիզիկոսների, ինչպիսիք են Ջիմ Բաղյանը, Գարիկ Իսրաելյանը, Քիփ Թորնը, Չառլի Դյուկը, Նագին Կոքսը, Ժոել Փարքերը, Դեյվիդ Այքերը, Թոնի Ֆադելը, Դոննա Սթրիքլենդը, Ժան֊Ժակ Դորդեյնը և այլք։
Հանրայնացման ծրագրի մեջ ներառված բազմազան և հետաքրքաշարժ թեմաները վստահաբար ոգեշնչման աղբյուր կդառնան երիտասարդների համար` էլ ավելի մեծացնելով նրանց սերը և հետաքրքրությունը գիտության հանդեպ։
Սիրով հրավիրում ենք ինչպես լրատվամիջոցների ներկայացուցիչներին լուսաբանելու, այնպես էլ յուրաքանչյուրին՝ մասնակցելու այս մեկշաբաթյա ծրագրին՝ սեպտեմբերի 5-10-ն` ըստ ստորև ժամանակացույցի։
Անվանում Սեպ
5 Սեպ
6 Սեպ
7 Սեպ
8 Սեպ
9 Սեպ
10
Երևանի պետական համալսարան Քիփ Թորն
Լիա Հալլորան Միշել Մայոր Էմանուել Չարպենտիե Ջիմ Բաղյան
Գարիկ Իսրաելյան
Դեյվիդ Այքեր
Հայաստանի ազգային պոլիտեխնիկական համալսարան Նագին Կոքս Թոննի Ֆադել Խավիեր Բարկոնս Ժան֊Ժակ Դորդեյն

Քըրթ Վյութրիխ
Հայ֊ռուսական համալսարան Ժոել Փարքեր Մարկ Բոսլոու Քրիս Ռափլի
Հայաստանի Ամերիկյան Համալսարան Նագին Կոքս Քրիս Ռափլի Էմանուել Չարպենտիե
Հայաստանի պետական տնտեսագիտական համալսարան Թոննի Ֆադել Ժան֊Ժակ Դորդեյն
Հայաստանի ազգային ագրարային համալսարան Քրիս Ռափլի Խուան Թոմաս Հերնանի
Երևանի «Հայբուսակ» համալսարան Խավիեր Բարկոնս Քըրթ Վյութրիխ
ՀՀ Գիտությունների ազգային ակադեմիա Քըրթ Վյութրիխ
Ա.Ի. Ալիխանյանի անվան ազգային գիտական լաբորատորիա (Երևանի ֆիզիկայի ինստիտուտ) Քիփ Թորն
Լիա Հալլորան
ՄԱԿ֊ի Հայաստանյան գրասենյակ Դեյվիդ Գրինսփուն
«Քվանտ» վարժարան
Միշել Մայոր
Ֆիզմաթ դպրոց Ջորջ Նիլդ
Ա. Շիրակացու անվան ճեմարան Լիզա Կալտենեգգեր Գարետ Ռեյզման
ԹՈՒՄՈ ստեղծարար տեխնոլոգիաների կենտրոն Դեյվիդ Այքեր Լիզա Կալտենեգգեր Գարետ Ռեյզման
Ջիմ Բաղյան
Այբ դպրոց Միքայել Կիզիրյան
Ջորջ Նիլդ
Ձեռնարկությունների ինկուբատոր հիմնադրամ Լիզա Կալտենեգգեր
Չառլի Դյուկ
Ալֆրեդ ՄքԻվեն
Թոնի Ֆադել

SYZYGY _ ռոք համերգ 15:00-16:00
ՔՈԱՖ ՍՄԱՐԹ կենտրոն Կարապետյան Արբի
Սքոթ Հաբըրդ
Դեյվիդ Այքեր
Մայքլ Բակիչ
Միշել Մայոր
ԼՈՖԹ Վանաձոր Դեյվիդ Այքեր
Մայքլ Բակիչ
Համալիր, դասավանդիր Հայաստան, դպրոցներ Քրիս Հեդֆիլդ
Ջիմ Բաղյան

 

STARMUS VI փառատոնի մասին
STARMUS փառատոնը մինչ այս անցկացվել է Թեներիֆեում (Կանարյան կղզիներ, Իսպանիա), Նորվեգիայում, Շվեյցարիայում:
Հայաստանում STARMUS VI գիտության և արվեստի փառատոնը անց է կացվելու «STARMUS VI. 50 տարի Մարսի վրա» խորագրով և նվիրված է լինելու Մարսի վրա Մարս 3 տիեզերակայանի առաջին վայրէջքի 50-ամյակին: Հատկանշական է, որ Մարս 3-ը տեղափոխել է դեպի Կարմիր մոլորակ հայ մեծանուն ինժեներ Ալեքսանդր Քեմուրջյանի Prop-M (փրոփ-էմ) ռոբոտը։
STARMUS աշխարհահռչակ փառատոնը կապված է Ստիվեն Հոքինգի, Բրայան Մեյի, Ալեքսեյ Լեոնովի և աշխարհահռչակ այլ հայտնի անունների հետ, անցկացվում 2011 թվականից և միավորում է գիտությունը, կրթությունը, արվեստն ու տեխնոլոգիաները։
STARMUS փառատոնը հիմնադրվել է աստղաֆիզիկոս Գարիկ Իսրաելյանի և լեգենդար Queen խմբի կիթառահար, աստղաֆիզիկոս Բրայան Մեյի կողմից՝ դառնալով համաշխարհային ճանաչում ունեցող գիտնականների, Նոբելյան մրցանակակիրների, տիեզերագնացների մտածողների, գիտության մշակույթի ու արվեստի գործիչների միավորող հարթակ, որի շրջանակներում նրանք հանրության հետ կիսվում են իրենց գիտելիքներով, փորձով ու նորագույն հայտնագործություններով։ Նրանց միավորումը մեկ հարթակի շուրջ հնարավոր է դարձնում մեր ժամանակների խնդիրների վերհանումն ու լուծումների շուրջ քննարկումները։

Leave a Response