Ոչ ՀՀ քաղաքացիները ևս իրավունք ունեն մասնակցել ՏԻՄ ընտրությանը, եթե նրանք վերջին 1 տարին հաշվառված են տվյալ համայնքում. ԿԸՀ քարտուղար
![](https://gmpress.am/wp-content/uploads/2021/06/1033883-e1624220345213.jpg)
Ոչ Հայաստանի Հանրապետության քաղաքացիները ևս իրավունք ունեն տեղական ինքակառավարման մարմինների ընտրության ժամանակ քվեարկել, եթե նրանք վերջին 1 տարին հաշվառված են տվյալ համայնքում:
Ասուլիսի ժամանակ ասել է Կենտրոնական ընտրական հանձնաժողովի քարտուղար Արմեն Սմբատյանը։
Նա մանրամասնեց, որ այն անձինք, ովքեր ՀՀ քաղաքացի չեն, սակայն վերջին մեկ տարին հաշառված են, ունեն քվեարկելու իրավունք, նրանց համար անձը հաստատող փաստաթուղթ է համարվում ՀՀ կողմից տրված կացության քարտը։
Սմբատյանն ընդգծել է, որ հաշվառման փաստը նաև ՀՀ քաղաքացիների համար է անհրաժեշտ.
«Հայաստանի Հանրապետության քաղաքացիները տվյալ համայնքում պետք է վերջին վեց ամսում ունենան հաշվառում, որպեսիզ ընդգրկված լինեն ընտրողների ցուցակում ու կարողանան քվեարկել»,-նշել է ԿԸՀ քարտուղարը։