Կյանքը de facto

Հաստատվել են քոլեջների և ուսումնարանների ուսման վարձի փոխհատուցման պայմանները

321views

ՀՀ կառավարության 2021 թվականի նոյեմբերի 4-ի N 1784-Ն որոշմամբ հաստատվել են նախնական (արհեստագործական) և միջին մասնագիտական ուսումնական հաստատություններում սովորողների ուսման վարձի փոխհատուցման պայմանները:

Առաջին կուրսում նպաստի ձևով ուսման վճարի լրիվ փոխհատուցում տրամադրվում է.

· Պետության կողմից ուսանողական նպաստների ձևով ուսման վարձի լրիվ փոխհատուցմամբ (անվճար) տեղերում ընդունված ուսանողներին, իսկ հաջորդ ուսումնական տարվանից` նախորդ ուսումնական տարվա առավել բարձր առաջադիմություն ունեցող ուսանողին՝ փոխատեղման արդյունքում:

· «Առանց ծնողական խնամքի մնացած երեխաների սոցիալական պաշտպանության մասին» ՀՀ օրենքով սահմանված՝ առանց ծնողական խնամքի մնացած երեխաներին, ինչպես նաև առանց ծնողական խնամքի մնացած երեխաների թվին պատկանող մինչև 23 տարեկան անձանց:

· «Հաշմանդամություն ունեցող անձանց իրավունքների մասին» ՀՀ օրենքով սահմանված՝ ֆունկցիոնալության ծանր և խոր, իսկ երեխաների դեպքում՝ նաև միջին աստիճանի սահմանափակում ունեցող անձանց:

· «Զինվորական ծառայության և զինծառայողի կարգավիճակի մասին» ՀՀ օրենքին համապատասխան՝ ժամկետային պարտադիր զինվորական ծառայության ժամանակ ծառայողական պարտականությունները կատարելիս 1-ին կամ 2-րդ խմբի հաշմանդամության (ծանր և խոր աստիճանի ֆունկցիոնալության սահմանափակմամբ) զինվորական կենսաթոշակի իրավունք ունեցող նախկին զինծառայողների, ինչպես նաև զոհված զինծառայողների ծնողների, ամուսնու (կնոջ) մինչև 27 տարեկան զավակներին։

Պետության կողմից ուսման վճարի փոխհատուցում (լրիվ կամ մասնակի զեղչ) տրվում է՝ ըստ առաջադիմության, հետևյալ խմբերին.

· ընտանիքների անապահովության սահմանային միավորից բարձր միավորներ ունեցող ուսանողներին,

· սոցիալական աջակցություն ստացող սահմանամերձ համայնքների ուսանողներին. այդպիսի ուսանողներ են համարվում ՀՀ կառավարության որոշմամբ հաստատված սոցիալական աջակցություն ստացող սահմանամերձ համայնքների բնակավայրերի ցանկում ընդգրկված ուսումնական հաստատությունների, ինչպես նաև այդ բնակավայրերում հաշվառված և վերջին հինգ տարում մշտապես այդտեղ բնակվող ուսանողները,

· մարտական գործողություններին մասնակցած ուսանողներին՝ մարտական գործողություններին մասնակցությունը զինված ուժերի կազմում հավաստող փաստաթղթի առկայության դեպքում,

· երկու և ավելի անչափահաս երեխա ունեցող ուսանողներին,

· պետության համար առաջնահերթություն և կարևորություն ներկայացնող մասնագիտություններով նպատակային ուսուցմամբ ընդունված ուսանողներին: ՀՀ կառավարության որոշումներով կարող են սահմանվել նպատակային ուսուցմամբ ընդունված ուսանողների ուսման վճարի փոխհատուցման այլ պայմաններ:

Ուսման վճարի փոխհատուցման չափը որոշելիս հաշվի է առնվում ուսումնառության առաջադիմությունը` նախորդ ուսումնական տարվա արդյունքներով (առաջին կուրսում` նախորդ ուսումնառած կրթական ծրագրի ավարտական արդյունքներով).

· միայն «գերազանց» և (կամ) «լավ» գնահատականներ ունենալու դեպքում՝ ուսման վճարի փոխհատուցման չափը կազմում է 70 տոկոս,

· 75 տոկոսից ոչ պակասը «գերազանց» և (կամ) «լավ» գնահատականներ ունենալու դեպքում՝ ուսման վճարի փոխհատուցման չափը կազմում է 50 տոկոս,

· 50 տոկոսից ոչ պակասը «գերազանց» և (կամ) «լավ» գնահատականներ ունենալու դեպքում՝ ուսման վճարի փոխհատուցման չափը կազմում է 30 տոկոս:

Նշենք, որ «Առանց ծնողական խնամքի մնացած երեխաների սոցիալական պաշտպանության մասին» ՀՀ օրենքի 7-րդ հոդվածի 3-րդ ենթակետի համաձայն՝ միջին մասնագիտական պետական ուսումնական հաստատություն ընդունված՝ առանց ծնողական խնամքի մնացած երեխաների ուսուցման ծախսերը կատարվում են պետական բյուջեի հաշվին: Նշված խմբի սովորողներին տրվում է կրթաթոշակ՝ տվյալ ուսումնական հաստատությունում սահմանված կրթաթոշակի 150 տոկոսի չափով:

ԼՐԱՀՈՍ
15:24 • 11/10
Հաստատվել են քոլեների և ուսումնարանների ուսման վարձի փոխհատուցման պայմանները
15:10 • 11/10
ԵՄ-ն այսօր կքննարկի հայ-ադրբեջանական սահման քաղաքացիական առաքելություն ուղարկելու հարցը. Տոյվո Կլաար
youtube subscribe
15:07 • 11/10
Ինձ դեռ հետապնդում են հայ ռազմագերի կնոջ սարսափելի մահապատժի դաժան տեսարանները. ԵԽԽՎ պատգամավորը ցնցված է Ադրբեջանի պատերազմական հանցագործություններից
14:55 • 11/10
Ռուսաստանի գերագույն շամանը զինվորների ոգին բարձրացնելու և երկրի բոլոր թշնամիների նկատմամբ հաղթանակի հասնելու ծես է անցկացրել
14:35 • 11/10
Օգնեք մեզ փակել երկինքը. Կլիչկոն կոչ է արել Ուկրաինային նոր զենքեր տրամադրել
14:28 • 11/10
Հայաստանում հաջողությամբ անցկացվել է միկրոէլեկտրոնիկայի ամենամյա միջազգային 17-րդ օլիմպիադայի եզրափակիչ փուլը
14:15 • 11/10
ՀՀ կառավարությունը էապես կրճատելու է Արցախի աջակցությունը. Թադևոս Ավետիսյան
13:51 • 11/10
Ռուսաստանի զանգվածային հարվածները խորապես փոխում են պատերազմի բնույթը. Մակրոն
13:41 • 11/10
Վաղը կկայանա Պուտին-Էրդողան հանդիպում. AFP
13:39 • 11/10
Հայ ազգն այսօր գտնվում է ճակատագրական փուլում, պետք է խոսենք մեր քաղաքական պատասխանատուների հետ. Արամ Ա Կաթողիկոս
13:31 • 11/10
Ղրղզստանը հրաժարվել է ՀԱՊԿ ևս մեկ զորավարժությունից
13:19 • 11/10
Ադրբեջանը և Հայաստանը համաձայնության են եկել խաղաղության պայմանագրի հիմնարար կետերի շուրջ. մնում է միայն դրանք իրագործել. Չավուշօղլու
13:07 • 11/10
ՀՀ ՄԻՊ-ը ԵԱՀԿ Մինսկի խմբի Ֆրանսիայի համանախագահին է ներկայացրել Ադրբեջանի զինված ուժերի կողմից Հայաստանի վրա հարձակման հետևանքները
13:07 • 11/10
Ջորջ Քլունին պատմել է նոր ֆիլմի նկարահանման հրապարակում կնոջ և երեխաների աչքի առաջ Ջուլիա Ռոբերտսի հետ համբուրվելու

Leave a Response