ՄԻՊ-ը դիմել է միջազգային կազմակերպություններին Արցախի քաղաքացիական բնակչության նկատմամբ Ադրբեջանի թիրախային զինված հարձակումների առնչությամբ
![](https://gmpress.am/wp-content/uploads/2020/09/Photo-320x228-1.jpg)
Մարդու իրավունքների պաշտպանը դիմել է մարդու իրավունքների միջազգային կազմակերպություններին՝ կոչ անելով քայլեր ձեռնարկել և ուղղել ջանքերը կանխելու Լեռնային Ղարաբաղի քաղաքացիական բնակչության խաղաղության և անվտանգության դեմ ուղղված այս ռազմական ագրեսիան և բռնությունը: Այս մասին տեղեկացնում է ՄԻՊ գրասենյակը։
Պաշտպանի գրություններում շեշտվել է, դպրոցները, տները և քաղաքացիական այլ օբյեկտներ հարձակման տակ են առանց խտրականության՝ իրական վտանգ առաջացնելով կանանց, երեխաների և Լեռնային Ղարաբաղի ողջ բնակչության կյանքի ու առողջության համար:
Արման Թաթոյանի գնահատմամբ՝ Արցախի քաղաքացիական բնակչության նկատմամբ Ադրբեջանի թիրախային զինված հարձակումները Ժնևի կոնվենցիաների և միջազգային մարդասիրական սովորութային իրավունքի բացարձակ ոտնահարումներ են։
Հայաստանի մարդու իրավունքների պաշտպանն այս հարցերում իր գործունեությունն իրականացնում է հիմք ընունելով մարդու իրավունքների պաշտպանության իր մանդատը և հիմնվելով կոնկֆիկտային իրավիճակներում մարդու իրավունքների պաշտպանության միջազգայնորեն ճանաչված սկզբունքների վրա:
Հայաստանի մարդու իրավունքների պաշտպանը մշտական կապի մեջ է Արցախի մարդու իրավունքների պաշտպանի հետ:
Հիշեցնենք, որ սեպտեմբերի 27-ին՝ ժամը 07:15-ի սահմաններում, հակառակորդը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական հակամարտ զորքերի շփման գծի ողջ երկայնքով՝ թիրախավորելով նաև խորը թիկունքում տեղակայված բնակավայրերը, այդ թվում՝ մայրաքաղաք Ստեփանակերտը:
![](https://www.tert.am/files/0-%D5%80%D5%80%D4%BF/2_2.jpg?1601208366488)
![](https://www.tert.am/files/0-%D5%80%D5%80%D4%BF/1_1.jpg?1601208344321)
![](https://www.tert.am/files/0-%D5%80%D5%80%D4%BF/3_2.jpg?1601208412412)
![](https://www.tert.am/files/0-%D5%80%D5%80%D4%BF/5_2.jpg?1601208439480)
![](https://www.tert.am/files/0-%D5%80%D5%80%D4%BF/6_1.jpg?1601208462183)
![](https://www.tert.am/files/0-%D5%80%D5%80%D4%BF/7.jpg?1601208486551)
![](https://www.tert.am/files/0-%D5%80%D5%80%D4%BF/9_1.jpg?1601208526342)
![](https://www.tert.am/files/0-%D5%80%D5%80%D4%BF/8_1.jpg?1601208553794)
![](https://www.tert.am/files/0-%D5%80%D5%80%D4%BF/10.jpg?1601208585439)