Կյանքը de facto

Ունենք հստակ ծրագիր, բայց ներկայացնում ենք անհրաժեշտ չափաբաժնով․ Սրբազանը՝ Շարժման ծրագրի մասին

211views

Իմփիչմենթ նախաձեռնելու գործընթացը կա, ընթանում է, մենք հանդիպում ենք քաղաքական դաշտի ուժերի հետ, այս ընթացքում որոշների հետ հանդիպել ենք արդեն։

Այս մասին Ժուռնալիստների միությունում ասաց Բագրատ Սրբազանը։

Ճշտող հարցին՝ Իշխան Զաքարյանից հստակ պատասխան ստացե՞լ է, նա պատասխանեց, թե ենթադրությունների, դավադրությունների մեջ չեն․

«Մենք ճանապարհը գծել ենք, գնում ենք առաջ, ով էդ ճանապարհին կկանգնի, բարի է եկել, ով չի կանգնի, դուրսը կմնա։ Մենք բոլոր քայլերն արել ենք ու շարունակում ենք անել, Իշխան Զաքարյանի պահով հրապարակային հայտարարել եմ, մնացածը նրանից պետք է հարցնեք»,- ասաց նա։

Նրա խոսքով՝ իրենց քայլերը գծված են, օրակարգը սահմանված է, իրենք այդ օրակարգով, քայլարշավով գնում են առաջ։ Նա ասաց, որ ընդդիմությունը տեղյակ չէր, որ պետք է հարթակից իմփիչմենթի գործընթաց նախաձեռնելու մասին հայտարարեր, դա անակնկալ էր․

«Իմ հայտնվելը փողոցում անակնկալ չէր՞, այս շարժումի ամեն ինչն էլ անակնկալ է։ Մենք ունենք ծրագիր, բայց պարտավոր չենք ամեն ինչ այն չափաբաժնով տալ, ինչքանով մենք գիտենք, քայլ առ քայլ ներկայացնում ենք ինչ-որ պետք է ու անհրաժեշտ է, դեղը լավ բան է, բայց երբ գերդոզավորում է լինում, վնաս է տալիս»,- ասաց նա։

Հարցին էլ՝ իմփիչմենթի գործընթաց սկսելու համար չպե՞տք է սպասեին այնքան, մինչև փողոցում այնքան մարդ լիներ, որ ճնշում լիներ, ոչ թե հենց սկզբից, Բագրատ Սրբազանն ասաց․

«Ոչ, մենք հայտարարել ենք մեր օրակարգի մասին, խնդիրը հետևյալն է մեր քայլերը հերթով գնում են առաջ։ Մենք հայտարարել ենք մեր օրակարգի, ծրագրի, գաղափարի մասին, որ սա է լինելու ճանապարհը, ոչ թե ավարտված վերջացրած փաստի մասին ենք ասել։

Նաև սխալ պատկերացում կա, եթե 10, 20, 50 կամ 100 հազար մարդ հավաքվեց ուրեմն վերջ՝ լավ իմաստով, եթե 5 հոգի եղավ, ուրեմն վատ իմաստով վերջ, ոչ այդ տրամաբանությունը պետք է փոխվի»։

Ժուռնալիստների միության նախագահ Սաթիկ Սեյրանյանն էլ հարցրեց՝ սա մեկ բառով հեղափոխությո՞ւն է, պայքա՞ր, շարժո՞ւմ, նա  պատասխանեց․

«Ոչ, սա անմահության երթ է, չակնկալիքների պայքար՝ հաշտության օրակարգով, ճշմարտության հաղթանակով»։

Leave a Response