Արա Աբրահամյանը հյուրընկալվել էր «Անանիա Շիրակացի» համալսարանում
72.9kviews
Մայիսյան հաղթական ևս մեկ օր ավելացավ «Անանիա Շիրակացի» միջազգային հարաբերությունների համալսարանի օրացույցում՝ մայիսի 7-ը: Օրը նշանակալի էր կրկնակի իրադարձություններով. միաժամանակ կայացավ «Լրագրողների վերապատրաստման» արագացված, անվճար դասընթացի ավարտական, պատերազմի ընթացքում հաշմանդամ դարձած զինվորների նախապատրաստական փուլը հաղթահարած բոլոր մասնակիցների անվճար կրթության հավաստագրի և ուսանողական տոմսերի հանձնման արարողությունները:
Միջոցառման մասնակիցներին ողջունեց համալսարանի ռեկտոր Վաղարշակ Մադոյանը՝ շնորհակալություն հայտնելով սովորելու մեծ ցանկության, անկոտրում կամքի ու հավատի համար. «Ձեզ համար ինչ անենք՝ քիչ է, տղե՛րք»,- նշեց ռեկտորը՝ դիմելով հերոս տղաներին:
![](https://gmpress.am/wp-content/uploads/2021/05/DSCF3640-e1620544399417.jpg)
Պարոն Աբրահամյանը տեղեկանալով, որ մեր հերոս տղաներին համապատասխան բժշկական կենտրոնները հրաժարվել են կրկնակի վիրահատություն անել՝ խոստացավ անձամբ հոգալ բոլորի ծախսերը՝ խնդրելով համալսարանի ղեկավարությանն իրեն տրամադրել անհրաժեշտ տվյալները:
Մեր սպասված հյուրն էր նաև հերոսներին անվճար բուժող բժիշկը՝ Վարդուհի Օհանյանը, ով մշտապես նրանց կողքին է և անմնացորդ նվիրված է մարդկային կյանքեր փրկելու սուրբ գործին։ Բժիշկն արժանացավ հատուկ մրցանակի։![](https://gmpress.am/wp-content/uploads/2021/05/DSCF3653-e1620544474309.jpg)
![](https://gmpress.am/wp-content/uploads/2021/05/DSCF3653-e1620544474309.jpg)
«Լրագրողների վերապատրաստման» դասընթացի հաղթող մասնակիցներին ու բանախոսներին համալսարանի ղեկավարությունը և Արա Աբրահամյանը հատուկ շնորհակալություն հայտնեցին՝ կարևորելով զանգվածային անաչառ լրատվության, պրոֆեսիոնալ, բանիմաց մասնագետների տեղն ու դերը երկրի զարգացման գործում՝ մաղթելով նրանց նորանոր մասնագիտական վերելքներ:
Միջոցառման բոլոր մասնակիցներին համապատասխան վկայականները և խորհրդանշական նվերները հանձնեց անձամբ Արա Աբրահամյանը:
Հատուկ հյուրին ևս պարոն Մադոյանը նվիրեց իր ՝ <<Մեր սերնդի ճակատագիրը>> գիրքը:![](https://gmpress.am/wp-content/uploads/2021/05/183363896_1889149887901015_8059432989702421278_n-1-e1620544884135.jpg)
![](https://gmpress.am/wp-content/uploads/2021/05/183363896_1889149887901015_8059432989702421278_n-1-e1620544884135.jpg)
Միջոցառումն անցավ ջերմ մթնոլորտում՝ ուղեկցվելով ակտիվ քննարկումներով և ապագայի հանդեպ խոստումնալից ծրագրերով:
add a comment