Կյանքը de factoՄիջազգային

Ռուս խաղաղապահները ԼՂ-ում երեխաների հետ գործնական պարապմունք են անցկացրել՝ «երիտասարդ մարտիկ» խորագրով՝ ցույց տալով լեռներում գոյատևելու հնարքները. ՌԴ ՊՆ

33views

Ռուսական խաղաղապահ զորակազմի զինծառայողները «երիտասարդ մարտիկ» խորագրով դաս-պարապմունք են անցկացրել Լեռնային Ղարաբաղի բոլոր շրջանների երեխաների համար՝ վերջիններիս ցույց տալով՝ ինչպես է պետք գոյատևել լեռներում:

Ինչպես հայտնում է ՌԴ ՊՆ մամուլի ծառայությունը, Մարտակերտի շրջանի Ծմակահող համայնքի մարզական ճամբարում գործնական պարապմունքներ են անցկացվել 13-18 տարեկան երեխաների հետ:

Նշվում է, որ ռուս խաղաղապահները դպրոցականներին պատմել են ԼՂ-ում իրենց առաքելության մասին, բացատրել վտանգը՝ կապված սակրավորների կողմից չուսումնասիրված տարածքներում խաղերի հետ, ինչպես նաև ծանոթացրել են առաջին բուժօգնության հմտություններին: Ռազմական բժիշկը պատմել և ցուցադրել է առաջին բուժօգնության տրամադրման միջոցները:

Դասընթացն ավարտվել է երեխաների շրջանում անցկացված տարատեսակ մրցումներով՝ ուղղված խոչընդոտները հաղթահարելուն և պարաններով ժայռից իջնելուն:

Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։

Leave a Response