Կյանքը de factoՀասարակություն

Ընտրությունների վերահսկման կոմիտեն արձանագրել է քաղաքացիների կոնկրետ խմբի ընտրական իրավունքի զանգվածային խախտում՝ անձնագրային և վիզաների վարչության կողմից

960views

Ընտրությունների վերահսկման կոմիտեն արձանագրում է քաղաքացիների կոնկրետ խմբի ընտրական իրավունքի զանգվածային խախտում՝ ՀՀ ոստիկանության անձնագրային և վիզաների վարչության կողմից։

Խոսքը ՀՀ այն քաղաքացիների մասին է, որոնք հաշվառված լինելով նոյեմբերի 9-ի հայտարարությամբ Ադրբեջանին հանձնված բնակավայրերում՝ ներկայում ժամանակավորապես բնակվում եմ ՀՀ տարածքում։ Այդ անձինք, ՀՀ վարչապետի կողմից ստորագրված փաստաթղթի հիման վրա, այլևս չունեն մշտական բնակության վայր, հետևաբար հաշվառման բնակավայրերի վկայակոչմամբ՝ ընտրելու իրավունքից նրանց զրկելը դուրս է ոչ միայն իրավական, այլև բարոյական տրամաբանությունից։

Միևնույն ժամանակ, Կոմիտեն փաստում է, որ ընտրացուցակներում ընդգրկվելու համար դիմելու՝ օրենքով նախատեսված ժամկետը (մինչև հունիսի 10-ը) դատական պրակտիկայում չի համարվում արգելափակող, ուստի ընտրություններին մասնակցելու ցանկություն ունեցող, սակայն ընտրացուցակներում չընդգրված անձինք շարունակում են պահպանել անձնագրային բաժին դիմելու, մերժման դեպքում՝ մերժումը գրավոր ձևով պահանջելու և գրավոր մերժումը դատարան բողոքարկելու հնարավորությունը։

Leave a Response