Թուրքիան ստեղծվել է կեղծիքի հիմքի վրա. Փընար Սելեք

Armenian translation of the Turkish intellectual Penar Selek's 'Because They Are Armenians' book was presented in Armenpress press club

««Որովհետեւ հայ են» գիրքը դա յուրատեսակ վկայությունն ու ճիչն է բոլոր այն մարդկանց, ովքեր կոտրել են իրենց ներսի ժխտողականությունը և հարցականի տակ են դրել բոլոր այն «ճշմարտությունները», որոնք քարոզվում են Թուրքիայում»,- այսօր լրագրողների հետ հանդիպմանը այս մասին ասաց առաջին անգամ Հայաստան այցելած թուրք մտավորական, սոցիոլոգ, «Որովհետեւ հայ են» գրքի հեղինակ Փընար Սելեքը: Հեղինակը նշեց, որ գրքում հարցականի տակ է դրվում Թուրքիայի դպրոցներում մատուցված պատմությունը, հարց է բարձրացվում, թե արդյո՞ք արժանավոր անհատների անուններ են կրում Թուրքիայի փողոցները և խոսվում է թուրք հասարակության գիտակցության այն մութ հատվածի մասին, որից Փընար Սելեքը փորձել է դուրս պրծնել: Տեղեկացնենք, որ թուրք մտավորականը այժմ բնակվում է Ֆրանսիայում և իրականացնում է հետազոտություն՝ ցեղասպանոթյան ժխտողականության և միջազգային մեղսակցության ու մասնակցության վերաբերյալ: Անդրադառնալով տարիներ առաջ թուրքական իրավապահ մարմինների կողմից իրեն ուղղված ահաբեկչության մեղադրանքին, որի պատճառով նա լքել է Թուրքիան և տեղափոխվել մշտական բնակության՝ Ֆրանսիա, Փընար Սելեքը ասաց, որ ինքը որևէ կապ չունի այդ մեղադրանքի հետ. «Դա իսկապես մտացածին մի բան էր: Ես հետազոտություն էի անցկացնում քրդերի հարցի վերաբերյալ և հարցազրույցներ էի անում քուրդ ակտիվիստների հետ: Թուրք ոստիկանները ստիպում էին ինձ, որպեսզի ես նշեի, այդ քրդերի անունները, ես չարեցի դա և ինձ տանջանքների ենթարկեցին ու բանտ նետեցին»,- ասաց մտավորականը: Նա նաև նշեց, որ Թուրքիան ստեղծվել է կեղծիքի հիմքի վրա և քանի դեռ չի առերեսվել իր պատմության հետ, կշարունակի զարգանալ նույն բռնատիրական համակարգով:

Տեղեկացնենք, որ վաղը հոկտեմբերի 24-ին տեղի կունենա «Որովհետեւ հայ են» գրքի հայերեն տարբերակի շնորհանդեսը և այն հասանելի կդառնա նաև հայ ընթերցողին:

Facebooktwitterredditpinterestlinkedinmail

Be the first to comment on "Թուրքիան ստեղծվել է կեղծիքի հիմքի վրա. Փընար Սելեք"

Leave a comment

Your email address will not be published.


*